عايزة بشرتك أنعم من بشرة البيبي

عشان بس نبقي متفقين من اولها الموضوع يتقيم ويترد عليا انا مبكلمش نفسي سامعين ولا اوريكو العين الحمرة
مبدئيا لازم تفضي لنفسك يوم كل اسبوعين تدلعي فيه نفسك
اولا ياستي تزيلي شعر جسمك باي طريقة بتفضليها سواء سويت او سيلك ابيل او حتي حلاقة
ثانيا تملي البانيو مية سخنة اوي اوي من السخان وتحطي رجليكي فيها واحدة واحدة يعني تحطي رجلك واحدة واحدة وترجعي تشيليها شوية شوية هتلاقي نفسك اخدتي علي المية بس ارفعي ستارة البانيو عشان بتكتم وافتحي شباك عشان البخار وعشان المية السخنة اصلا بتوطي الضغط فهوي الحمام كويس
هتفضلي باة منقوعه كدة في المية لحد المية ما تبرد خالص وانتي جسمك يبوش ممكن تيقي حاطة في المية رغوة بانيو او شوية شاور صغيرين او مية بس مش مشكلة
ولما جسمك يبوش خالص تجيبي الحجر الاسود محدش يقولي اصلا حجر اوريفليم بلاش دلع الحجر الاسود مفعوله رهيب وتحطي شاور جل علي حتة حتة يعني مثلا هتبتدي بدراعت يبقي تحطي شاور عليه وتعملي رغوة وتدعكي بالحجر بضمير متتخضيش من البلاوي اللي هتطلع من جسمك عادي جدا
وهكذا لحد ما تعملي جسمك كله
وبعدين تعملي سكرب لجسمك سواء بحاجة جاهزة او بيتي يعني ممكن سكرب المشمش او الخوخ موجود في الصيدلية او طمي البحر الميت ودة انا بجيبه من السعودية وممكن تعملي انتي ماسك طمي مغربي وهقولكو علي طريقته بعدين
او تعملي خميرة علي ترمس مطحون علي ردة ايا كان احتاستي شوية ملح واعصري عليهم لمونة واشتغلي اهم حاجة متيئسيش وتسيبيه عليجسمك 5 دقايق وبعدين تفركي براحة في حركات دائرية
خلصتي سكرب تاخدي الشاور بتاعك عادي وتنشفي جسمك حلو وتحطي عليه لوشن حاجة خفيفة كدة لان جسمك يا حرام اتهري
او تحطي بيبي اويل بتاع جونسون دة تحفة بس في بنات بتقرف منه عشان زيت بس لو هتستعمليه بتحطيه علي جسمك وهوة مبلول ايوة وهوة مبلول وتدعكي جسمك بيه وبعدين تنشفي جسمك بالضغط
وتحطي باودر بس بلاش حاجة برفيومد
وتخلي بالك متتعرضيش لتيار هوا وتدفي نفسك انتي هتبقي خارجة من الحمام جسمك مولع اوعي تتعرضي لهوا او تكييف تلبسي حاجة مستورة بلاش شغل شاطئ العراه دة يعني حاجة صدرها مقفول شوية وحتي نص كم عشان جسمك مايتعبش
يلا مستنية ردودكم واي واحدة عندها اي استفسار شعر جسم ان شاء الله هرد عليها وكلها حاجات مجربة وغير مكلفه
يلا شجعوني بردودكم